طبعا انساكى
********
وطبعا لازم انساكى
وانسى الذل فى هواكى
ولو لحظة اذكرك فيها
الوم نفسى وما أهواكى
زرعت الورد بستانك
جنيت الشوك بهجرانك
ومديت ايدى بالخيرات
جاوبتى بكل نكرانك
خسرت كتير وانا معاكى
كسبت كتير بخسرانك
رسمتك تاج على راسى
خاصمت الكل علشانك
راعيت خاطرك مابين ناسك
وظنيت خير فى احساسك
صنعت من الياقوت عقدك
وجملتك مابين ناسك
رميتى الخير وليه بعتى
يقينى كرهت انفاسك
ولا استهوى اشوف صورتك
ولا عطشان لشوق كاسك
خلاص مبقتش اهواكى
وعينى مبقتش حراسك
ولا ح اسمح تعاتبينى
ولا ناوى على فراشك
بلاش للكره تلومينى
وشوفى الآه فى كراسك
وطبعا لازم انساكى
خلاص ودعت احساسك
***********
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق