ليه يا قلم ساكت
مش تحكي عن المجاريح
وعلى الناس اللي ماتت
كانوا واقفين وش الريح
في السن لسه صغيرين
والشقا خلى الروس شابت
الزمن دايماً بينا يميل
حتي الدنيا علينا ضاقت
ناس كتير شايفانا عايشين
وأرواحنا ع البشر هانت
انكتب علينا نعيش متغربين
والأم ليه بدموعها نامت
فينك يا تامر أمين
إشمعنا بس دلوقتي ساكت
مش دا شغل إعلاميين
ولا الحنجره عندك راحت
في الشده يبان الأصيل
والشهامه تظهر في المواقف
حسبي الله ونعم الوكيل
اللي من الحق خايف
واللي راح منه الضمير
ولقول الحق غير ناصف
شكراً كل الأخوه المساهمين
كفاكم الله شر المخاوف
*** بقلمي
منتصر عبدرب النبي ***
ليست هناك تعليقات:
إرسال تعليق