حبك سراب
بقلم: صلاح منير
أحب القلم ...... وخطه
وأحب النغم .... وأحسه
وأحب الكلام معســــول
وأحبك يا روحي تقول:
بحبك ........ كده على طول
وليه كلامك في القلب متداري
وشــوقك عــليه التقـل بيداري
هو ده يبقــى طــبع حــبك؟
أعيش أتمنى ... في يوم أتهنى
وأصــبر وقول ........ أستنى
يمكن ييجــي
يــوم ويصفـــالي
أتاري الجنة ...... مش ليــــا
وليلة فرحي ...... منســــــية
وحبي لك يا نور قلبي وعنيـا
ســراب فــي ســــكة رملـــية
حاولت أنساك
ندانــي هــواك
ولما نداني ...... طــاح بيـــا
وصبح حبي
ســراب فــي ســــكة رملــــية
صلاح منير
مصر
ليست هناك تعليقات:
إرسال تعليق