لوعة الفراق
غلطان يا اللي تقول البعيد
عن العين بعيد عن القلب
انا وحبيبي حكم علينا الزمان
نعيش سنين فراق وحرمان
لكن ساكن قلبي ولا انساه
مهما يمر الزمان
اه لو تعرفوا قد ايه
وحشاني نظرة عنيه
لمسة إيديه
معاه بحس بأمان
وأنسى الدنيا وأنسى الزمان
حبيبي عن عيني بعيد
بيني وبينه بلاد وبلاد
وبحور لكن حبه كل يوم بيزيد
مع انه عني بعيد
حبيبي... حبنا بحر محبه
يروي قلوب كل الاحبه
ويكفي ويزيد محبه
يا طير يا طاير
ورايح عند الحبيب
امانه عليك لو شفتوه
بلغوا شوقي وسلامي
واحكي لو على حالي
واوصفلوا اللي جرالي
في بعاده وقل له حبيبك
من الفراق يصعب عليك حاله
يمكن يحن ويعود من تاني
آه يا غربه يا مفرقة
كل عزيز وغالي
من كتر الانتظار
راح الصبر ولا جاني ...
بقلم...فاطمة محمد محمود
ليست هناك تعليقات:
إرسال تعليق