لو شايف أبوك لك أمان
وشايلك جوه حبابي عنيه
شدته عليك بحر حنان
بوس رجليه قبل ايديه
لخاطرك داق الحرمان
يفتكرك لو أنت ناسيه
يفديك بعمره من الطوفان
حتى لو انت قاسي عليه
يحزن لو انت زعلان
والبسمة منك تشفيه
لو شافك فى يوم قلقان
طعم الحيره تبان فى عنيه
مناه يشوفك دائما فرحان
سعادة الكون تبان عليه
يغزل توب السعد عشان
تلبسه أنت وتتهنى بيه
بإيده يسقيك لو كان عطشان
أنت الحلم اللي حلم بيه
رضاه من رضا الرحمن
حاذر من يوم يغضب فيه
عمرك ماهتشعر بأمان
إلا لو تروح تراضيه
بدعاءه تسكن الجنان
وتجيب من عسل الجنه وتسقيه
(((أسامه جديانه)))
ليست هناك تعليقات:
إرسال تعليق