العيب فى مين
*********
العيب فى مين يابلد
ولا قدر محتوم
سمانا ليه مطرت
وكان ماليها غيوم
والغمة اهى اتسطرت
والهم يوم ورا يوم
سفينة واتعثرت
منعت مرور لليوم
خسرنا فيها الالوف
حتسيب وراها هموم
وقطر الصعيد اللى حرق
قلوبنا صار الفؤاد مكتوم
ودعنا فيه شهداء
والمصابين بقوا بالكوم
وعمارة ويا النفق
بقا هو يوم مشؤوم
ومحطة فى الزقازيق
وكوبرى كمان محطوم
يانفس ليه انكسرتى
هو الخراب حيدوم
لو فيه غلط صلحه
ياللى عليك اللوم
لو قاسى صلح عيوبك
وياريت تكون مظلوم
دى ليلة فيها الكرم
نصف شعبان ياقوم
يارب ييجى الفضيل
ولا يبقى فينا هموم
العيب فى مين يابلد
ولا قدر محتوم
********
جمال على الشرقاوى
شاعر العامية
ليست هناك تعليقات:
إرسال تعليق