ضى العين
*******
ياضى العين وقنديله
وحب العمر وسنينه
عشان قلبك انا اجيله
واعيش العمر افراحه
يابستان الهنا منور
بزهر الفل ومصور
قمر ليلى كده مدور
دوا لقلبى ولجراحه
كتير عايش علشانك
واداوى بروحى أحزانك
واروى بحبى بستانك
واقعد جوه فى براحه
حنان قلبك مدفينى
وحبك روح تكفينى
يافرحة عمرى وسنينى
لسان القلب وسلاحه
ياضى العين انا هايم
وذكرك ع اللسان دايم
وجوه العين صاحى ونايم
يانبض القلب وسماحه
ياضى العين وقنديله
وفرحة قلبى وعبيره
وطول ما الحب عايشينه
حنتهنى بأفراحه
ياضى العين
*******
جمال على الشرقاوى
شاعر العامية مليج منوفية
ليست هناك تعليقات:
إرسال تعليق