القطر
بقلم /محمد على عاشور
القطر زمان كان بيقول توت
دلوقتي بيصرخ و يقول موت
موت موت موت موت
قضبان مصر رواها الدم
و اللى اتاخر يوم ع القطر
يبقى يا بخته مش حيموت
لكن برده من غير قطر
جعلو ف كل نفوسنا تابوت
عينى عليك مصرى يا مسكين
كل مكان بتلاقى الموت
لو عبارة تايهه ف بحر
أو أتوبيس فى طريق مسدود
يولع فيه الشعب...يموت
و لا مسؤول بيكون موجود
قطرات رايحه وقطرات جايه
قطرات طايره .. قطرات طابشه
تضرب بعضها
تاكل فينا زى الدود
تبقى محرص و انت ف حالك
يطلع قطر و يجرى عليك
تلقى القطر اتفجر فيك
تاكل ناره قلوب الناس
لما الولعة بتمسك فيك
فوق السلم نازل طالع
و احنا قلوبنا بتبكى عليك
و بنتمنى و بنتوسل كده لله
ترجع مصر بلدنا كبيرة
و يرفع عنا سنين الموت .
ليست هناك تعليقات:
إرسال تعليق