ليه الشيطان ماشي قدامنا
ماسك في أيديه الصاجات
ليه صوت غناه غوانا
خدنا فى كل الأتجاهات
وغيرنا أصول الزمن
وكل حلو فينا مات
والحنيه أتبدلت بقسوه
والوعود ضاعت فى نسوه
والجحود ارقي الصفات
والذنوب لها آلف غنوه
صارت عند الناس مزاجات
حتي كمان الكلمه الحلوه
مسك حروفها السكات
والطيبه وجبر الخواطر
كانوا فى زمن فات
والعشره ع القلوب هانت
وأتنسي الحب فى لحظات
والأنانيه صارت مخاطر
بتشوه الغير بالعاهات
كرهنا الالوان الورديه
رفعنا للداكنه الرايات
وضاع من جوانا السماح
وبتقتل فى القلوب الجراح
وجراح تولد جراح
والعذاب جوانا بات
والدموع واخده البراح
ع الخدود فارده الجناح
كل دمعه وراها حكايات
والرحمه اتشوهت فى الملامح
حياتنا أصبحت خناقات
ليه وليه الف سؤال
محتاجين جوانا أجابات
والأجابه فى كلمتين
الحب أصبح ممنوعات
********************
وحيد احمد
ليست هناك تعليقات:
إرسال تعليق