خبطة فى الراس
*********
قالوا خبطة فى الراس بتوجع
ودول بقوا ستة
لوكانوا نزلوا بجبل
كان ستميت حته
ومصر شايلة الجبل
ومريحة الجته
لراسها يوم انحنت
ولا عمرها انكسرت
وكتير عاشت فى المحن
وصابرة وانتصرت
ام الرجال العفية
ومودعة الاحزان
والهمة دايما قوية
والقادة دول شجعان
حتعيشى دايما أبية
ومنورة البستان
كل اللى حاصل قدر
راضيين بحكم الله
ولا عشنا لحظة فى بتر
ولا يوم سعينا لجاه
والشعب ياما انتصر
حطم جيوش وجباه
لو مرة حس بخطر
طلب الحمى من الله
يارب احفظ بلدنا
ياعريض الجاه
واهى خبطة فى الراس بتوجع
ولا قلنا يوم الآه
ورمضان حييجى بخيره
والسعد جاى وياه
********
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق