قصة ورائعة نجيب محفوظ الحرافيش
كلمات ابراهيم الحداد.
حلقه رقم 1و 2 فى رابطين بأول تعليقين
وأليكم الحلقه الثالثه
حلقه 3
أنا بمدح أول كلامى
طه حبيبنا ونبينا
وأهديه صلاتى وسلامى
هادى نفوسنا ومابينا
الغورى ماشى بحارته
وحواليه رجاله حراسه
جابت بهيه ف سيرته
قالت بيتحامى بناسه
سمعها الفتوه وجالها
بالكف ضربها دغرى
وقعت وع اللى جرالها
دموعها بحر وبيجرى
الناجى لمح الصبيه
الدم غلي فى عروقه
أياك وضرب الوليه
والندل لاحظ وجوده
قاله ياأبن حليمه
بترد ليه على سيدك
هتصبح جته عديمه
وعقابك قطع أيدك
الناجى رفع العصايا
ودورها ضرب برجاله
ع الظلم بعلن عصايا
لواحده ولا حد جاله
دارت معارك فظيعه
والناجى واقف بطوله
ضرباته جت ع الوجيعه
وحرافيشنا قاموا سقفوله
الغورى لملم ماصابه
والناجى رافع عصاه
متعجب م اللى صابه
ورجاله واقعين حداه
والدنيا قصه وحكايه
ولكل شاعر طريقه
أخر غنايا وحكايا
الحق عارف طريقه
ليست هناك تعليقات:
إرسال تعليق