أديني عايش
__________
نفسي أعيش جواك
ومش عارف
خايف من الأيام
وأديك شايف
الحب أصبح كان
وشئ هايش
وبرحمة الرحمن
أديني عايش
الحلو كان زمان
ومش فارقه
تفاح مع رمان
وإيد واحده
وكل شئ إن كان
نآخد منه
حب ورضا وحنان
نجيب منه
غضبان أو زعلان
نشيل عنه
هنصحي ومش هنام
أنا وجارنا
طافيين مع الفيضان
وفين حالنا
صابرين بقى وراضيين
وفين توبنا
اللي عملنا زمان
دا مش عيبنا
يالا بقى يا حمام
نادي حبيبنا
وشغل الألحان
وخد طيبنا
وجنة الطغيان
دي في الدنيا
كتير فيها سكران
عموا عيونا
أفراح مع أشجان
كدا الدنيا
وناس كتير جدعان
وناس تانيه
وناس تبص لفوق
لناس فانيه
واللي عملته سنين
يروح ثانيه
واللي حسبته حنين
طلع حرمان
هنروحوا بس لمين
بقى
يا زمان
راح أجدد التوبه
فأقبلني يا رحمن
بقلم/وافي إسماعيل الشلبي
ليست هناك تعليقات:
إرسال تعليق