***
أنا غاوي أصيد وأصطاد
وارمي شباكي في الميّه
وشوقي للحبيب ما غاب
وصورته لسه في عنيّه
وأبعت له سلام في جواب
وبرضه مش سائل فيّه
..
نزلت البحر من شوقي
وقلت الصيد بيصبر
وأنسى كل ماجرالي
مع حبيبي اللي متغندر
وصابني برمشه ونساني
وخلّيَ القلب يتحيّر
..
وكل م أقول خلاص أنساه
يزيد حبُه ياناس أكتر
وفنجان شاي مع سيجاره
قعدت ياناس مستنظر
..
مياسه تغمز بسنارتي
أفرح بيها وأتغندر
وفجأه سرحت بعنيّه
لقيت صورتها قدامي
بتتمايل علي الميّه
ونفس النظره في عنيها
بترمي سهام حواليّه
وصوت م الميّه يناديني
ويغريني بحنيّه
ومن شوقي رميت روحي
لقيتني وقعت في الخيّه
...
ليست هناك تعليقات:
إرسال تعليق