امل في سحابه
امل في سحابه
عايشين جوه غابه
هم وحزن وكأبه
لازم في يوم تنهار
قصدي طبعا الاسعار
عايشين وسط ديابة
تنهش لحم الغلابة
تمص الدم تزيد الهم
بالغلا ليل ونهار
غدر وجشع تجار
انا ابنك وصاين عهدك
حافظ ودك
ابنك واراعيكي
اجيب م السما واديكي
رغم الظلم رغم مرارة الأقدار
ليه تعذيبيني بالاسعار
انا ليا حق عليكي
انا ابنك وبين ايديكي
تندهي البي الندا
وفي لحظة ابيد العدا
اغلط تحاسبيني
لعمرك يوم سامحتيني
بحجة مخالفة كلام ليكي
هو دا الحب اللي بينك وبيني
كلامك علي عيني
إعلامك يخلي الدنيا حلوه
والواقع مرار في مرار
حلمي بسيط اعيش وسط الدار
اصحى الاقي الحلم انهار
ولا لاقي حياة
ولاحتى جدران الدار
املي ترخص الاسعار
والليل يصبح نهار
ارحمنا برحمتك
وأسترنا يا ستار
بقلم احمد فرج السوداني
ليست هناك تعليقات:
إرسال تعليق