لسه الأمل باقي
*************
لسه الأمل باقي
وح اعيش بأخلاقي
ولو سرقوا اوراقي
ح اكتب كمان وكمان
ح أفضل بفكري اعيش
ما أنا فى الأساس درويش
مجاهد للقمة عيش
واتمنى اعيش في امان
بكره اللي جاي أجمل
طول ما الفؤاد يأمل
ولا عمري يوم اندم
على اللي راح أو كان
ياصبر ليك قوال
والحب ليه منوال
وانا اللي اسمي جمال
والاسم له عنوان
لسه الأمل موجود
والفكر ماله حدود
والشعر مني يجود
وبعيد عن النسيان
سرقوك يانسمة صيف
مر عليا وعدى زي الطيف
وانا بكلامي ح اضيف
واكتب لكل زمان
يانسمة صيف معدية
لغيرى انتي مخفية
راح اكتب الف أغنية
وأودع دنية الأحزان
وأرجع بالأمل والشوق
فى لحظة كنت أنا مخنوق
دعيت ربب وسلمت على اشرف مخلوق
بصلي
عليه فى كل مكان
*********
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق