فنان
خواطر
******
فنان وبترجم أحاسيسي بالريشه والألوان
بارسم آهات البشر واسطر حروف
ممزوجه بدموع وارسم شجر وغيطان
*****************
وطير بيصحي من الفجر بيسبح الرحمان
بيقولوا عليا غاوي وساعات يقولوا مخاوي
ولما بتطلع في دماغي الفكره باجري واحدد
خطوط وملامح وصور إنسان وحيوان
******************
ودايما حاسس بمعاناة البشر وبارسم مطرب
بيغني كأنه صوت كروان وبارسم صور لما
تشوفها تشعر انها بتحس وبتتكلم ياما رسمت
ناس تعبانه في حياتها مكبوتة وبتتألم وناس
من يأسها الجرح بقي فيها معلم وناس انطفي
بريقها وأصبح جواها مضلم خلاص مبقاش
عندها أمل وبتستسلم قفلت علي مشاعرها
ومش عايزة تتكلم الفن أصله موهبه مش مجرد
ألوان وصور متشقلبه
سحر أحمد محمد
ليست هناك تعليقات:
إرسال تعليق