⭐ناسياني
⭐
لا حيلتي جاه ولا مال...
ولا قصر وبناية...
ولا يُسر ف الأحوال...
ولا حلم جوايا...
ولا عم بيه ولا خال...
والخلق نسّايه...
لكن حدايا قلب...
شايلك أنا جواه...
غاوي يطير ويشب...
والدنيا مش سايعاه...
حكايتنا معروفة...
بس أنتِ ناسياني...
ضحكتنا مخطوفة...
والفرح عاداني...
مشيت ف ألف طريق...
ليكي ولا وصلتش...
من ضيق يخدني لضيق...
ورضاكي ما نلتش...
انا اللي وهبتك الماضي...
وعدى العمر ع الفاضي...
وكل الخلق تشهدلي...
وحتى الجاني والقاضي..
ناديت يا مصر كام مرة...
عشان ارضك تكون حرة...
ولو مهرك يكون دمي...
خديه يا مصر ميت مرة...
كلماتى علاءمحمود
ليست هناك تعليقات:
إرسال تعليق