...*(البنت الطعمة)*...
شوفتوا البنت الحلوة الطعمة
ساحرة عيون كل العشاق
لما بتمشي تهز قلوبهم
من خطوتها النايم فاق
شوفت حالهم صعبوا عليا
واللي جرالهم م الأشواق
أهل العشق صحيح مجاريح
بين الآه ونار مشتاق
**********
خفي يا حلوة الخطوة شوية
الا ف ثانيه يقوم زلزال
والبصة تكون متخبيه
مش بكفايه الخطوة غزال
وسحر رموشك ضلاية
خلوا القلب ف حبك مال
كنت مالي وايه جرالي
لما اتغير بيا الحال
***********
زي نسيم الفجر تعدي
تطرح كل جناين وردي
حتى
الصحرا بشوفها خمايل
لما يقرب واما يهدي
عمال ادادي فيه واتحايل
يرمي لي ضحكه وهو معدي
لجل م قلبي تهدا آهاته
ويزيد حبي ويكتر ودي
************
بقلمي/ اسماعيل عبدالهادي ابوالعلا
ليست هناك تعليقات:
إرسال تعليق