ردا علي كلمات شاعرنا الكبير الذي لم يجود الزمان بمثله
أجيبلك إيه وأنا جاي
خواطر
****///****
هاتلي الحب بتاع زمان
هاتلي راحة البال اللي اتبدلت هم وأحزان
هاتلي الناس اللي قلوبها صافيه
هاتلي الصحة بعد ما اتهد الحيل وراحت العافية
هاتلي الضحكه اللي كانت بتطلع م القلب دافيه
هاتلي أصحابي الحلوين
هاتلي لعب الاستغمايه وإحنا حاسين بالأمان ومطمنين
هاتلي الأمل فى بكره
هاتلي الماضي بحلاوته بعد ماراحت أغلى ذكرى
هاتلي الأحباب اتنين اتنين
هاتلي الإخلاص اللي مبقاش منه وكله حزين
هاتلي حبيبي اللي سافر علشاني ومتغرب
هاتلي الشوق واللهفة لما يقولي جاي والأيام بتقرب
هاتلي قرايبي اللي كانوا دايمآ ماليين الدار
هاتلي الباب اللي عمره ما اتقفل وكان مفتوح باستمرار
سحر أحمد محمد
ليست هناك تعليقات:
إرسال تعليق