قريت شعر من شاعرنا الكبير /اسماعيل عبدالهادي
عن البنت الطعمة لقيت بحور الشعر نطت قدامي
والحروف جاية تخبط على بابي
مسكت القلم وكتبت
البنت الطعمة
الحلو عيونه فى الليل بتلالي
كروان يتمايل ع الجنبين
فى بحوره الناعمة نامت أشواقي
فى عنيها آهات تقتل ملايين
وخدتني فى دنيا م الأحلام
وكأني خليل شاعر القطرين
وانا قلبي صار مجنون ليلى
عايم على شوق يملا المحيطين
ببعت في اليوم ييجي ميت ضحكة
واطير فى عنيها من غير جناحين
سحر رموشها فاق كل جمال
ودلالها يقتل فى اليوم سبعين
وأنا اول مرة الهوى خدني
وسكرت ياناس من نظرة عين
على وش المية بتندهلي
وأنا قلبي قاد جواه براكين
رجعني تاني الحب ملاك
موت جوايا كل الشياطين
خلاني بشوف اللون الاسود
وردة مشبوكة فى عود ياسمين
ده جرام الشوق بعد لقانا
غليت اسعاره وعدى الملايين
حسنك فتان يسحر ألوفات
وبقيت بهواك سيد المجانين
ليست هناك تعليقات:
إرسال تعليق