ماتت لوحدها
بعد ما عاشت عمرها
تخدم ولادها طول عمرها
حملت جنينها في بطنها
سهرت ورضعت وأكلت من فمها
وطبطبت دفت وغطت
البردان من حضنها
خدت قوتها وحطت من بقها
تكسي وتغسل ودموعها
تجري على خدها
من حبها وحزنها وفرحها
وخوفها من لهفة قلبها
باعها الكبير والصغير لما كبرت وعدي سنها
عاشت ف بيت لوحدها
بين ألامها وعجزها
قالوا تروح دار عجايز
ونرتاح من حملها
ونبيع سكنها ونقسم حقها
ماتت ياقلبي لوحدها
وريحتها بانت للجيران بعدها
سألوا ولادها فين من بعدها
جه الكبير اللي رضع من بذها
من شهر ما شافها قبلها
كانت تقيله بحملها
ومراته رافضة تعيش معاها بقصرها
عشان راحتها مع بعلها
وبفتوى حرة من حقها
تعيش بجوزها لوحدها
ماتت ياعيني لوحدها
بعد ماجاب لها معاش شهرها
قسم معاها وخد من حقها
ولا سأل فيها بعدها
ولا قال حتى عايشة أزاي لوحدها
ولا رعى يوم ضعفها
أكلت أيه من وقتها
ونامت في بيتها لوحدها
جدران البيت حزنت على دمعها
وتحللت من يوم ماماتت لوحدها
هي السواقي بدور يوم لوحدها
ولا لازم عجل وتور يشدها
والمية عمرها ماتطلع لوحدها
أمانة يابني تاخد بخاطري ف وحدتي
وتاخد يدي تمسح دمعتي
ولا تنسى يوم فرحتي
لما أشوفك في وحدتي
دا سلف ودين على اللي قصر بحقنا
والكاس داير علينا لأخر عمرنا
كلمات :
مصطفى محمد عطيه
مصر
طنطا
ليست هناك تعليقات:
إرسال تعليق