ثورة وثورة
***********
هى دية كانت الثورة
ثورة وكانت ع الاغراب
أما يناير ماكانت ثورة
قمنا وثرنا على الاحباب
يوليو دي كانت ضد الظلم
عشنا فى قهر وذل عذاب
مملكة ترعى مصالح غيرنا
والفلاح بيكح تراب
ظلم فساد اقطاع عشناه
وبعد الثورة بقالنا حساب
أهداف سامية وعرفناها
ودرسناها فى كل كتاب
أما يناير اه يا يناير
كنا فى أمن وأمننا غاب
قطع طريق بلطجة وإهانة
وفرض القوة ودنيا خراب
ثورة وثورة وفرقها شاسع
ثورة تنور عقل وآب
وثورة توقف عز بلادى
لولا رعاية التواب
وفترة لقينا ثلاثين ستة
احلى تاريخ لقمر كان غاب
صحح وضع لأم الدنيا
رجعت تاني وأمنها طاب
تبني نعمر نفرح اكتر
نخب النصر باحلى شراب
يونيو ويوليو تاريخ متسطر
ايد مع ايد حنعيش احباب
وثورة وثورة
************
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق