(★) حضن أمك ( ★)
جربت مره حضن أمك
حسيته يومها لما ضمك
شفت منه نور ف حلمك
عشت فيه اللحظة وحدك
لما يسري جوه دمك
جربت تاني حضن أمك
لما كان إحساس يلمك
مهما تبعد بالمسافة
والمسافة تتوه لكنك
كنت دايما بيها حاسس
هى أقرب حتى منك
لما كنت ف يوم بتشرق
لما هيا تجيب ف سيرتك
هى بردو لما تشرق
تبقى عارفة إنه منك
وما حتى ف يوم بتتعب
هى شايله الحمل عنك
وأما تسمع يومها صوتك
هى حافظه التون بتاعك
هى عارفه إنه رنك
هى دي ياسيدي أمك
اللي خاصمت المنام
حتى وانت ف كبر سنك
وأما حلمك كان ينام
تبقى عايشه جوه حلمك
مش بقولك هي فهمك
مش بقولك هي عمرك
أو بقولك هي صبرك
أو بقولك هي قربك
حتى ممكن تبقى بعدك
هي دي ياإبني أمك
إنت إمتى ناوي تفهم
بس أفضل لو تحس
قبل ما ينطق لسانك
هى فاهمه لو بحرف
لما كنت ف يوم بتبعد
هيا أقرب حتى منك
مش مسافة لأ بحب
هي دي ياسيدي أمك
(★) نبيل الوردانى (★)
ليست هناك تعليقات:
إرسال تعليق