،،،،، قسوة،،،،،،،،
،،،،،،،،،،،،،،،،،،،
،نفسي اكمل مرة معاكي
اي كلام احنا بـــــــــــدأناه
ليه يشغلني بس هواكي
ويخلي القلب النوم ينساه
اول مره القلب يشوفك
دق بسرعة وقال الله
قرب عندك وانتي بخوفك
سبتي القلب يقول الآه
ياما ليالي سهرهاعشانك
وانتي بقسوة مش فاكراه
كانت النجمة ترد مكانك
وقمر الليل سهران وياه
كل كلام الحب يقوله
ومفيش غيرك كان جواه
حتى العطف ماكان بيطوله
ياما ناداكي ومش سمعاه
حتى ف بعدك كان يناديكي
لكن صدك كان يلقاه
ومهما عملتي لسه شاريكي
بكل الدنيا وليه بايعاه
القلب اختارك حبك بدري
وانتي بنار هجرك كاوياه
القلب فى حبك خلص صبري
حتى الصبر احتار وياه
عاوز اقرب منك خطوة
افتحي قلبك ليه قافلاه
شوفي جمال الدنيا الحلوة
وقلب يحبك ليه سيباه
اخر مرة حذل ف قلبي
وهشيل منه مر الآه
خليكي فاكره الصد لحبي
ولا عايز اعرف مين رايداه
كل منايا عيونك تفرح
ف اى مكان قلبك يهواه
رغم البعد لقلبي هيجرح
لكن الفرح لجرحي دواه
شوفي حياتك شقي طريقك
وانا مع قلبي نعيش ذكراه
ف قلب بحورك انسي غريقك
يمكن يغرق حبه معاه
او يرسي ف يوم على شط عيونك
اللي سهامهم جات جواه
ظلمتي القلب بسحر جفونك
طب قولي لنفسك ليه ظالماه
قلبي هيفرح لو حنيتي
لأن هواكي كل مناه
يا
ما بعدتي ورحتي و جيتي
قلبي لقلبك يستناه
مش حتلاقي حد يحبك
زي ما حبك قلبي وتاه
،،،،،،،،،،،،،،،،،،،،،،
محمود عمارالزلبانى
ليست هناك تعليقات:
إرسال تعليق