(حكاية البلبل)
كلمات الشاعر/سعيد الشبراوى
لمحت بلبل ع الشجرة بيتنطط
عمال يصفر.............. ويتفطط
سألته بتصفر لمين ياجميل وتتنطط ؟
قالي حبيبتي هجراني وبصالحها
عمال اداعبها.................. وأغازلها
ولا انت فاكرني........... بجاملها
لا ..دي حبيبتي دي......سكر مكرر
جمالها يخليك كدا............ متحير
ماهى حبيبتي وهي .....رفيقتي
ومقدرشي يوم ..............أزعلها
ده أنا حياتي من غيرها..... عدم
ولو هجرتني أقضي حياتي بعدها ندم
دا العين متكحلة............ رباني
والرموش سحراني.... ....وخداني
أما الوش كأنه................ القمر
طلع على شوق في.........ليلة سمر
والقوام ياعيني............... عليه
كل مافيه................... لايق عليه
قوام ملفوف........... ... رباني
أصلها حلوة ........ . . وعجباني
أما الإيدين سبحان من صور
جمال طبيعي.......... مش متحور
والرجلين.... ملفوفة لف
وعليها......... ..... ........ التوب بيلف
أصله بيغار ويداري عليها
من حسادها........... إللي حواليها
ومش عايزني أتنطط وأصالحها
ده أناا كده ابقى ...........خيبتها
ماتيجي
تصالحها.......... معايا
ويكون ليك ...........دور ويايا
والأجر والثواب على الله
وكفاية إنك حتصلح بين...خلق الله
ليست هناك تعليقات:
إرسال تعليق