" سمك 🐳 - لبن 🍼- تمر هندى 🍺 "
(مَنِّ غَشَّنَا فَلَيْسَ مِنِّا)
▪︎هوه أنا ليه ولابد يكون لى مليون وِشْ؟
▪︎وإن فكرت ف يوم وقلعته بقعد أنِشْ
▪︎هوه أنا لازم أكمل دورى غِشّ ف غِشّ
▪︎من غير ما اسمع الله يَحْنِنْ وإِبْعد هِشْ
▪︎أبقى مؤدب، أسمع كلمه زلطة و دَبشْ
▪︎وأما أعاتب يصرخ فيا "خلاص..مَعْلِشْ"
▪︎وإن يوم طفح الكيل ومليته خَلِّ ومِشْ
▪︎ كله يلم الدور ويطاطى ... كله يكشْ
▪︎أنا قررت إن أكشف وشى وأنزل أحِشْ
▪︎وألبس وشى الجبس وأخلى غِلّى يفِشْ
▪︎وإوعاك تسأل: عايز القهوة من غير وشْ؟!
▪︎هيكون ردى ساعتها: طارت،أو ف العِشْ!!
▪︎خليك واضح دايما يا ابنى وبلاش غِشّ
▪︎والكشكشه من وشك شيلها،إضحك بِشْ
▪︎تلقى الرزق بيجرى ف إيدك وتبَشْبِشْ
▪︎وعشانك هنشيل الإيريال و نجيب دِشْ
{إوع تغِشّ}
عجبى!!!
(خالد فاروق)
ليست هناك تعليقات:
إرسال تعليق