صورة ومعنى للفلاحة
*******************
شايلة الزلعة وجنب راجلها
ست البيت والمولى صاينها
طيبة وعفة ومين يقارنها
فيه الايام من دا النوع
ست تكافح من الفجرية
تحلب تخبز مش عندية
ناصحة ذكية ومربية
للاولاد وداخلها قنوع
ست ماتعرف غير الجد
ما يهمها برد أو شرد
ولا عمرها يوم كرهت حد
جنب راجلها بميت مشروع
ام الخيرهى الفلاحة
بتبيع خيرها بكل سماحة
ونقولها وبكل صراحة
الفلاحة من اطيب نوع
جوه البيت مصنعها فريد
سمن وجبن وزبدة اكيد
بيض ودواجن خير بيزيد
فيه الايام من دا النوع
ولا تعرف شيف أو سواق
ولا كوافير أو حتى زواق
رزقها دايما ع الخلاق
جنب راجلها بكل خضوع
هى دى الست الفلاحة
وجمال ربانى بسماحة
وبصوتى حقولها بصراحة
ام الخير هى المصرية
***********
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق