يا نفسي اصحي
يا نفسي اصحي بقى
سيبك من الجبروت
بلاش عناد واهتدي
قبل الأجل مايفوت
ضيعتي عمرك هدر
ونسيتي بكره الموت
لاجمعتي زاد للسفر
ولا فى جرابك قوت
يا نفسي قطرك دنا
بينادي بأعلى الصوت
قرب على محطتك
شايل كفن وتابوت
بيقول ميعادك ازف
والنوة جايه تشوت
القبر بابه انفتح
والنقض فاته الفوت
يا نفسي فيا اتقي
بصي على الملكوت
جرفك عناد الهوى
والزهو بالنبوت
وجريتي ورا مظهرك
لابسه بدل وبشوت
لاصحيتي من غفلتك
ولا عن غواية
سكوت
يا نفسي مابينفعك
كبرك وعلو الصوت
ولا الغرور بيرفعك
ويزيد مقامك صوت
خدي القصور مسكنك
مع سيارات ويخوت
واي كان منصبك
كله ساعات ويفوت
يا نفسي مهما جمعتي
اطنان دهب وياقوت
مش راح يسافر معك
غير قطنه وورقة توت
احمد محمود عوض سعيد
الرحامنه فارسكور دمياط
ليست هناك تعليقات:
إرسال تعليق