(غرام الأفاعي)
ليه الغرام اصبح
فى الدنيا بلا داعي
راح فين احساس القلب
الصادق الواعي
الحب بقى نزوة
فى لحظة يتبِدل قسوة
زي غرام الأفاعي
ما بُنى علي باطل
هو اكيد باطل
الواد يقول دي رجولة
والبنت بتماطل
لا لأهل بيقدروا
ولا يوم بيفكروا
وتملي الضمير عاطل
غرام بلا إحساس
والمشاعر مش نبيله
الصدق فيه معدوم
والمروءة يا ناس بخيله
الجسد لغة الحوار
والكلام اصبح عَوار
والضماير عاجزة وعَويلة
غرام لا بِيِكتِمِل
ولا فيه ظالم ولا مظلوم
غرام ومن البداية
بالموت عليه محكوم
ملعونة فيه الأشواق
بتكون سم مش ترياق
وداء فى
القلوب بيدوم
السيد صالح 💖
ليست هناك تعليقات:
إرسال تعليق