لما تيجي تتطرح تساؤل
ليه مفيش فَرْحْ وتفاؤل؟
ليه الحياة صَبَحِت عذاب؟
عَجِّزِت ليه الشباب؟
والدهب في إيدين شبابنا ليه صَبَح أكوام تراب؟
ليه الزعل أصبح مابينَّا مايسبَقوش لحظة عِتاب؟
ليه قلوب الناس بتِكره ؟ ليه بياضها صَبَح هباب؟
ليه مفيش صفحة مَوَدَّة .. والزعل بقى 100 كتاب؟
ليه بناكل حَق بعض ؟ أهل واخوات أو صحاب؟
ليه الربيع أَخَّر زهوره .؟ شمسه ليه خَلف الضَباب؟
ليه الأمل أصبح سراب؟
فص ملح باينه داب
ليه حبيبنا باع وساب؟
ليه نسينا يوم الحساب؟
وأما يبقى مفيش سؤال بنلاقيله ولو جواب..
يبقى حق الناس يصيبها كلها حالة إكتئاب
يبقى حق الناس يصيبها كلها حالة إكتئاب
.
مصطفى الشحات
ليست هناك تعليقات:
إرسال تعليق