أخويا
اللي من دمي
روحت أشكيله همي
لاهمه وجعي ولا همي
وقالي
مين فيها مش موجوع
الكل على حاله بيبكي
اللي بيبكي بعلو الصوت
واللي بيبكي من غير صوت
واللي فيها مريض
واللي فيها فقير
واللي فيها وحيد
والكل على حاله بيبكي
من حزني
نزلت من عيني دموع
داريتها مع همي
ونزلت وخدت هم فوق همي
أخويا السند ليا
مش دريان ياناس بيا
ولا همه يعرف وجعي
ولا ايه بينزف فيا
نسي لما كان بيجيني
ومن خيري اديله
وامسح وجعه بإيدي
واقوله مالي هو مالك
ولاتشغل يا خويا بالك
أنا سندك وضهرك
ولو مال الزمن بيك
بقلبي احميك وبروحي
افديك
أخويا اللي من دمي
ايه ياناس غير حاله
لا فى فرحه فاكرني
ولا فكر يسمع وجعيتي
ياريتني ما زرته
ولا زودت ياناس همي
أخويا اللي من دمي
نسي أن فيه يوم موعود
ولكل أفعاله شهود
ويكفي رب الوجود
شاهد وهيحاسبه
أخويا اللي
من دمي
زود ياناس همي
ولا همه وجعي
ولا همه ياناس همي
هوى الإمام
ليست هناك تعليقات:
إرسال تعليق