شايفك والله خيال مآتة
و على قلبها قليل الحيلة
شكلك نحس كله غتاتة
طرح غيطانها زي النيلة
نزلت غربان و كام جرادة
و ما خلوش حتى نجيلة
و اللي اتبنى منا ف سنين
جاي تهده في كام ليلة
و فلاحها شايل الطين
فدانه ماجبش كام كيلة
واقف وسط مآتة حزين
ضاع شقاه وكل العيلة
واقف كأنك م البني آدمين
و انت لا بتهش ولا بتنش
وشك دايما كأنه حزين
فقرك ولع ف عيدان القش
زي القطر بس على بنزين
نازل فيها حش و قش
لافف عمة تكفي تلاتة
جلابيتك إكمامها طويلة
و في الاخر خيال مآ
تة
لا تغني ف شمس ولا ضليلة
نزل القنبر و أكل القمح
و على كتفك عامل هليلة
و لا همه ان ف يدك رمح
إكمنك واقف بلا حيلة
بدوي محمد
الأربعاء ٢٩ يونية٢٠٢٢
ليست هناك تعليقات:
إرسال تعليق