مسافر ليه
جلت مسافر ليه
جال رزجى وبدور عليه
جلت استنى ورزجك هيجيك
جال رزجى وبسعى عليه
جلت الغربة صعبة
جال هتعود عليه
جلت هتنسى أحبابك
وتخدك اليام
وتنسى اهلك وناسك
واللى كانوا تحت مداسك
جال انتم ف الجلب ولايمكن
يوم انسى الحباب
سافر وخدته الغربة واليام
وجعد شهور ويام ما يرفع
التليفون ونترجاه نسمع
الصوت يجول والله مشغول
مشغول ف ايه
ف الورجات اللى بتفر فيها
بالساعات
ولا حديت البنتة اللى
شغالة وياك
ياك فاكر انى كبيرة
وبك مش دريانة
ولا فهمانة
يعنى لينا ما شتجت
وللحضن يوم حنيت
ولا لمتنا ف البيت
اياك فاكر العمر بيتمد
العمر كله جذر
وخلاص أن الاوان
والعداد ابتدى يعد
اياك فاكر هستناك
لما تعود بعد غياب
ده العمر يا ولدى خلاص
وجربنا نجفل الكراس
ع الشوج والحنين
وغربة السنين
وما توحشت خواتك
البنتة وانت اللى
كنت مالى علينا الدار
ضحك وهزار وصراخ
والله يولدى كان صوتك
احلى من المزمار
اوعاك لما ترجع
وما تلجانى تجول
وينك يا مه وحشانى
اصل انت اللى اخترت
ووجتها ما يفيد البكى
بشئ غير انك بالذنب
تحس
انك حرمتنى منك بجد
ووجتها ابجى ادعى الرب
يمكن يغفر لك الذنب
بانك وجعت الجلب
بس جولى يا ترى حججت الحلم
وخدت الرزج ولا كان كلام وبس
وعمر ضاع من غير ما تحس
عود ياولدى بكفاك غربة
وجهر ودموع حفرت الخد
عود جبل فوات الاوان
وتجول ياريت سمعت
الكلام
بجولك كل فجر ادعى
الرب يحفظك ويصونك
ولا شر وسوء يطولك
ما انت حبيب الجلب
ومهما وجعت الجلب
انا برضوا ام
كلمات ام جلبها من الغربة
اتغم وللواد اشتجت
ليست هناك تعليقات:
إرسال تعليق