إهداء إلى صديقي
الشاعر اسماعيل عبدالهادي ٠
"ملاك الحب"
---------------------------------
ملاك الحب يوم زارني
سألني يومها عن حالي
قعدت احكيله عن قلبي
واقول له إيه بيجرالي
سألته حبيبي ليه فاتني
وهو ماغبش عن بالي
وصوته يرن في وداني
وصورته عايشة في خيالي
*********
ملاك الحب واساني
وقال لي..انت ليه زعلان
حبيبك بكره يرجعلك
وهتعيشوا ف سلام وأمان
وقلبك يصحا من تاني
ويبقى بالغرام مليان
ويملا الحب أيامكم
وفرحة تعم كل مكان
**********
رجع تاني ملاك الحب
جايبلي بين إيديه فرحة
وزرع الحب جوه القلب
وأشجار الأمل طارحة
رجعنا ندوق حلاوة الحب
وأرواحنا معاه سارحة
هننسى كل أحزاننا
ونفتح من جديد صفحة
ونكتب فيها أشواقنا
وتبقى قلوبنا متصالحة
-------------------------------
بقلمي؛ م /محمود الحريري
ليست هناك تعليقات:
إرسال تعليق