الغربة
موجوع جوا القلب في غصة
حكايتي الغربة وشوف شو القصة
كنت متل غصن الغض ع الزيتون
ومرافق العصفورأرقص معورقصة
فكرت إني الأمير بأول المشوار
رح أنجح وشوف الحياة شو رخصة
كبرت وكبرت معي هموم الدني
لقيت حالي معلق بين الريح والبحصة
وين السند لا عم ولا خال منشود
حالهم متل حالي معصوص شو عصه
قررت السفر للبلاد البعيدة
وجوات القلب غصات مو غصة
ودمعات أمي متل مزن كانون
وعتمات كانون صارت إلي بصة
تغربت وتقلبت بين هالبلدان
خفت الفشل يكون إلو معي حصة
متل النحل كل يوم من بكير
طنيني والدعاء أسمع معي نصه
لا تندهش لمات تشوفني مبتسم
معضوض ع الناب والفرح ما خصه
وأنا المشتاق لتراب الوطن
والوطن غالي وإلو معي حصة
بقلم:عمارسعيدابوزاهر
سوريا
ليست هناك تعليقات:
إرسال تعليق