رداً على رائعة الشاعرة القديرة أستاذة صفاء الخواجة
*( كفي حرمان )*
....*( دنيا )*....
دنيا غريبة عجيبة وفيها
حاجات كتيره م كاتش فينا
هي الناس كان إيه جرالها
لما بيحصل كل ده لينا
كدب وغش وظلم وزور
ونار ظالم بتكوينا
ناس ف العتمة عايشه ف عشة
وناس دايسه فوق رقابينا
هي الدنيا جرى فيها إيه
وليه الناس بتتغير
نبات في آه نصحي ف أنين
في أمر الناس متحير
كله ف صراع والكل ضاع
ولا عادش حد بيتخير
زرعوا القسوة بينا وبينهم
شوفنا مرار عمره. م يتكرر
أما الدنيا دي فيها عجايب
دورت فيها م لقيتش نايب
واللي حاضر واللي غايب
كله تاه ولجامه سايب
وعويل ع الخلق يتشطر
علي الغلابة بيتعاجب
يا دنيا ياما فيك العجب
فيك الغلبان مالوش نايب
*★*★*★*
بقلمي/اسماعيل عبدالهادي ابوالعلا
ليست هناك تعليقات:
إرسال تعليق