ليه الألم بقى معشش
فى صمام القلب والعين
حتى القلم فى كتابته
حامل هم وحزين
عزيزة الضحكة والبسمة
وان طلعت تبقى بوشين
اصعب شيء لما الشغف
يموت جواك
ومعدش حاجة خلاص تفرق
فى لحظة معاك
همومك نازله فيك تنهش
غصب عنك وبرضاك
ماشي الدنيا مش عارف
ايه مكتوب
هايم والفكر متخدل
على أمرك حزين مغلوب
مبقاش فارق تعيش بكره
تكون نكِرة او محبوب
ظروف حلوة ظروف مرة
خلاص قلبك معدتش يخاف
حتى الحِمل من تعبك
مش لاقيله أكتاف
ووقفة الروح فى
وسط البحر
بلا مِجداف
السيد صالح 💔
ليست هناك تعليقات:
إرسال تعليق