📣 ناديت عليه📣
************
ناديت بعلو الصوت
وقلت فين أراضيه
منايا اعرف طريقه
والله نفسي اراضيه
واسأل عنه الخلايق
وانا كلي لهفة عليه
وزُرت كل الأماكن
يمكن ف يوم ألاقيه
🌻🌻🌻🌻🌻🌻
وف يوم وانا باسأل
سمعت صوت رقيق
بينادي وبيحكي
من غير صريخ وزعيق
ياللى حبيبك غاب
ومتعرفلوش طريق
مستني منه تجيلك
كلمة تِبِل الريق
خد مني كلمة تفيدك
من غير كمان تزويق
اللي ما يسأل فيك
مش ممكن يبقى رفيق
🌻🌻🌻🌻🌻🌻
وسمعت كلامه بعقلي
وكلامه عجبني بجد
وعشان مابيسأل عني
يستاهل صد وطرد
والهجر كمان يستاهله
اللي ملوش أبداً عهد
وإن صادف يوم ورجعلي
ودموعه تسيل ع الخد
مش هاسمع منه بقلبي
ماخلاص القلب اتسد
---------------------------
بقلمي؛
م/ محمود الحريري
ليست هناك تعليقات:
إرسال تعليق