🧚🏻♀️أمشيرنا 🧚🏻♀️
أمشيرنا......يا ناس
ده مالهوش أمان
بيطلع زعابيبه ف لحظة
ويقوم بركان
ينسى لك كل إللي عملته
بسلام وحنان
تكشيرته ح تقلب موازينك
وتهد كيان
والموجة فى بحره تغرقنا
وخبرنا فى كان
آه يا ساتر من طلعته فينا
وابل ..فوران
والشمس تغيب ولا تطلعشي
والليل..دخان
ولانعرف إمتى يروق تاني
وزعيقه ..بركان
والشوك مبدور جوه كلامه
فرحنا..أحزان
عايزينه يبطل ..تنكيده
ده فى كل أوان
ويغير شخطه وتنطيطه
يا يفارق ويسيبنا ف حالنا
ومالهوش مكان!!
🧚🏻♀️كلماتي/ صفاء الخواجة 🧚🏻♀️
ليست هناك تعليقات:
إرسال تعليق