يا قــــــــطر الغلابه
يا قـــــــطر الصعيد
حــــــــــالتك خرابه
فـــــــــــلنكات حديد
تزيد ف الـــــمواجع
فرمـــــت اللي رايح
فرمــــت اللي راجع
بقيت م الــــــــفواجع
ولونت لــــــــــــونك
بدم الــــــــــــــــشهيد
عجوزعم يــــــــعافر
وابني الــــــــــمسافر
ولادنا الـــــــــعساكر
وساعي الـــــــــبريد
ودكــــــتوره ساميه
ومــــــــــــــنّه ولميا
وســـــــتي اللي عميا
حــــــــــــــفيدها فريد
بـــــــــــــتاع الكزوزا
وحـــــــــــجه عجوزا
بــــــــــتاكل ف موزا
قـــــــــــــــــليبها سعيد
يا قــــــــــــطر الغلابه
وقـــــــــــــــــلبك حديد
يا رمز الكـــــــــــــــأبه
ودايما عــــــــــــــــــنيد
ودايما كــــــــــــــاريشنا
بتنتف ف ريــــــــــــشنا
طاب ليه مش شــــــايفنا
ربيعنا وخــــــــــــــريفنا
مُدنا وفي ريــــــــــــــفنا
و100 مــــــــــــــــحزنه
يا قـــــــــــــــطر الغلابه
ومن كـــــــــــــــــام سنه
وكان جــــــــــــــاينا عيد
حـــــــــــــــــرقت الغلابه
بــــــــــــــــــــــــنار العناد
عملنا الــــــــــــــــــــــحداد
وقولنا نـــــــــــــــــــحاسب
ونالوا الــــــــــــــــــمكاسب
سنان الــــــــــــــــــــــديابه
بــــــــــــــــــــــتقرش حديد
وتمن الـــــــــــــــــــضحيه
شوية قــــــــــــــــــــــروش
ودم الــــــــــــــــــــــضحيه
معبي الـــــــــــــــــكروش
مغزي الــــــــــــــــوحوش
وشفطو الـــــــــــــــــفلوس
أكلو ف خـــــــــــــــــــيرنا
وخيرنا لغـــــــــــــــــــيرنا
وعبو شــــــــــــــــــــعيرنا
جبنا آخـــــــــــــــــــــــرنا
سابولنا الــــــــــــــــسابوس
ياقطر الــــــــــــــــــــغلابه
يا قــــــــــــــــــطر الصعيد
يا قــــــــــــــــــــبر الغلابه
ودم الــــــــــــــــــــــشهيد
...
كفايه وجـــــــــــــــــــــــايع
وحقي اللي ضـــــــــــــــايع
م طول عمري طـــــــــــايع
وبفدي...وشـــــــــــــــــــهيد
نظره يـــــــــــــــــــــا دوله
لأهل الـــــــــــــــــــــــصعيد
.....
سيف عثمان
ليست هناك تعليقات:
إرسال تعليق