----+++ واحد صحيح +++----
إقسِم صَحيح
تِساوى ... تِحِل المُشكله
قِسمِة ضَمير فوق الضَّمير
واحد صُحيح
واقف بين العنين
لا تعَلِّى عِين تِعْلا ع الحاجِب
ولا التَّانيه تِعْلا على الواحِد
القِسمه حَسَب المَزَاج
كَسْرها يِخْلق مَهْزَله
دا الفاصْله هِيَّا أنْف المِيزان
بين عِنين المَحكمه
ما تُجْبُر كسُور الهَرجَله
دا بين كفَّه عليها الضَّمير
والتانيه فيها المَسأله
عادله بحِكمة ربنا
عادله بحِكمة ربنا
د. سمير خليل
ليست هناك تعليقات:
إرسال تعليق