فيه ناس و ناس
فيه ناس الشر ماليهم
لو نصحت فيهم قرون
الشيطان ساكن فيهم
ومركب ليهم قرون
وناس تلبس وش
وناس وجوهها ألوان
ومهما تحاول تغش
هييجي يوم وتبان
وناس وجوهها ضلمة
لابسة في راسها مداس
وناس في قلب العتمة
زى القمر وناس
وناس كتير اندال
تأمنهم يخونوك
ومن طبيعة الحال
تشتريهم يبيعوك
وناس مالها كلمة
ندل ويبيع أخوه
ولو جيت في أزمة
لمصلحته يبيع أبوه
يارب سترك علينا
مالنا رب سواك
جينا رافعين أيدينا
ببابك نرجوا حماك
وهبه البوهي
ليست هناك تعليقات:
إرسال تعليق