🌴مش بَقولك🌴بقلم الشاعرة/ نجوى إبراهيم

 @  متابعين 

//////////////

مش بقولك  ،

♕♕♕♕♕

  مش بقولك قلبي حاسس أنك أنت بقيت بعيد  ، 

مش بقولك  رغم حبي حاسه قلبي في وجودك وحيد  ، 

حاسه بشعور دخيل  ،  شئ غريب أتولد بيني وبينك  ،  زي ماتكون إيد بتخنق في ألجنين أو حاجه بتسرق من جواك ألحنين ولا تنهديده بتحاول تهرب أما بسمع مره صوتك  ، و أما كنت بتكتبلي زمان ولا أكتبلك  كمان  كنت بشوفك في ألحروف كنت بلمح ضي ل أبتسامتك  ولا أحس نبره لخوفك  ،  وأما تزعل ولاتحزن كانت ألكلمات بتبكي قبل منك جوه قلبي  ،   وأما كنت أوقات بكون حزينه أو بتألمني حجات بس أكتبلك نقاط

كنت تفهم أيه بعاني من سكات كنت تشعر بيا وتكتبلي ألمعاني  كنت بتحس بأنفاسي وسهد ألحر جوه جوفي  أما أعاني  ، وفاكر أما مرآت كان يجيلك ألأكتآب وتبعد وقتها عني وتهرب مني جوه نفسك  ، كنت أنتظرك ليالي ويا سهري ويا سهدي  ويا أنآتي وأيام كان فيها 

وجعي يفوق أحتمالي  ، وأما ترجع ليا تاني  ، كنت بتشد بيا حيلك كنت شايلني في ضميرك  ،  كنت رافض أي شئ يبعدني عنك  ،  كنت حاسه إني حته منك  ،  كان لا يمكن يوم تنام قبل ما تسمع لصوتي أو تشاركني سكوتي وتحاورني بالحروف  ،  وأنت جنبي كان لايمكن يقرب مني خوف  ،  ولا أحمل مره هم  ،  ولا يإذني حتي طيف  ،  حتي وجع ألذكريات كان بيهرب أما تيجي بس سيرتك  كان يقولي كفايه حيره كفايه حزن  أنتي ملكتي أحن قلب  ، 

بس دلوقتي خلاص  ،  مش بحس غير بخوف  ،  بس بشعر

بظل طيف بيحاروني ويحاربني جوه قلبك بيبعدني حبه حبه عنك  ،  وأما أقولك في شئ غريب بيني وبينك تضحك وتحاول وقتها تحتويني وأما  أحاول مره أكتبلك  زي ليالينا زمان  تنهي قوام كلماتك بالسلام    ،  طب سلام  💅