حاسب نفسك
اياك تتكبر ع البشر وتتعالىٰ
او تعمل بينك وبينهم مزاد
بتتقاس بالقلوب يا عبيط
مهيش بالقوة والعتاد
ولو شايف نفسك أقوىٰ م الكل
او واخدها مصارعة وعناد
بكرة تتأكد وتفهم
دي بالحلال ميه وزاد
اوعىٰ تتحكم في ناس
بكرة تندم لو ربك أراد
وتبقىٰ عجينة ف ايد اللي يسوا
وتصبح بلاش في ايدين العباد
حاسب نفسك وارجع لربك
لتبقىٰ جرثومة وفساد
عمرك هيخلص ويلقبوك مرحوم
وذنبك بعد موتك زاد
مرحوم على أيه يا بيه
وحسناتك عمرها ف كساد
وصبح اسمك في شهادة الوفاة
شبه اسمك ف شهادة الميلاد
كلماتي:
الشاعر: حليم محمود أبو العيلة
مصر
ليست هناك تعليقات:
إرسال تعليق