اخواتي الطيبين
انت ليه بتبعد يااخويا
د احنا كنا قريبين
إحنا مش اخوات بجد
واتنشأنا ع الحنين
والرحم كان أصله واحد
جاب عزيزة وجاب حسين
جابني وياكم ياحوده
من زمان الطيبين
وحتى صابرين الأخيرة
اللي محتاجة الحنين
عدنا ناسيين الحقيقة
اللي كانت من سنين
لما كنا أحلى عيلة
ع الطعام متجمعين
واللي دايما كان جامعنا
لما كنا صغيرين
إحنا ليه عن بعض تهنا
واتحرمنا من الحنين
والله شوقنا ياناس
غالبنا
ونفسي نبقى قريبين
قبل ما العمر يفارقنا
و ع المقابر محمولين
واللي فاضل منا يبكي
بالدموع ويا الأنين
يبكي ع العشرة اللي
ضاعت
وع اللي مات محتاج
حنين
ونبكي ع الأم اللي راعت
لجل نبقى حنينين
نبقى وقت الشده واحد
والإيدين كده في الآيدين
لما اختك لحظة جاعت
كنت فين
لما الدنيا ليها باعت وكان
أمالها ضهر ثابت أو متين
أو أخ ليها يوم ما مالت
كان سندها وكان أمين
يالا نلحق اللي فاتنا ونعيد
حياتنا بالمحبة والحنين
حتى لو كل فترة نبقى
برضه قريبين
والسؤال على بعض واجب
والرحم صلته عبادة
وأصل دين
وانتوا أحلى اخوات بجد
من سلالة الطيبين
بس بنفكر في بعض
لجل رب العالمين
اللي وصانا ببعض
وقال نبر الوالدين
كل عام ياحبايبي دايما
وانتوا دايما طيبين
وع المحبة والطيابة
كلنا متجمعين
بقلم فهمى محمود حجازى
ليست هناك تعليقات:
إرسال تعليق