دق الهوى
باللغة العامية
كلمات الشاعر سعيد الشبراوى
كتبت فى5/5/2022
دق الهوى على القلب دقة
وفاكر القلب فيه ولو دقة
كنت فين ياهوى وفين زمانك
لما كان القلب.. بيدق دقة
خلفت معايا أيامك ومعادك
ولا عاد يشفى القلب أطبة
عاشق نجومك ياليل وهما صحابى
وخدت قمرك حبيب دون الأحبة
ياموج البحر ياعالى تعالى
ورسى موجك على ....شط حبى
وخد معاك حبى وحنانى
يمكن تلاقى دنيتى أو ناس أحبة
ياغربة الروح ووجع القلب
ولا حد داوى............ وشال حبة
فات العمر والزمان ولا إداوى جرح
ولا قلبى جه حبيبه ولا شاف.. فرح
وحدانى كدا على طول وحدانى
ولا مرة راودنى الحب وسهمه رمانى
كان القلب يتمنى يوم حبيب
تتلم بيه الجراح والقلب يطيب
لكن الزمان بخيل وهواه جافى
ولاحن على مرة وظلمه كافى
وقال إيه بعد العمر ممر وفات
قال إيه جاى الهوى يدق دقة!
ليست هناك تعليقات:
إرسال تعليق