.......
فى الدنيا بحب كل الناس
إلا إنتي يا أمي عاشقك
لو خيروني بينك وبينهم
هختار بس إبتسامتك
يا شايلانا وشايلة البيت
وشايلانا كمان على كتفك
يا واخدة منا هموم ومشاكل
وصبالنا بس عسلك
ياشمس منورالنا البيت
ياقلب عشانه أنا غنيت
وأول حب أنا حسيت
يا حد فى
عيني بركة
يا سقيانا الحياة في كاسات
وواخده مننا الآهات
يا أجمل فرحة وابتسامات
يخلولنا الحياة سالكة
ياروح من غيرها مش هنعيش
من غيرك حياتنا مفيش
قلبك دافي مبيضنيش
يا روح ي القلب شابكة
مهما أقول أنا ولا أسطر
مش اوفي يا أمي حقك
معدن أصيل ملفوف بحرير
يشهد كل اللي عارفك
يا سر الأسرة يا جناح دافي
وصابة للكل شهدك
يا نور وهدية يا منار مينا
تهدينا يدوب إشارتك
يا روح من الجنة وسطينا
يا بير حنية يسقينا
يا تاج فضة يعلينا
يا تمثال رحمة ويا حنان
يا بسمة تداوي في جروحنا
يا حضن يدوس على همومنا
ينسينا أسى يومنا
بياخدنا لحياة وأمان.
..........
✍️: شريف العمدة
#شريف_العمدة
كامل الشكر والتقدير للأستاذة صفاء وكل القائمين على المجلة على توثيق النص
ردحذف