"مرسى وضل"
:
من بين ملايين من بنانيت حوا
قلبي الخالي ركن عندك
شبك عندك
زاغ من كل حواري الانثى
وانغمزت روحه ف سنارتك
عاش لسنين مجروح وحزين
من غير وصفه
والوصفة لقاها في بشارتك
لمستك بيضه وبريئه
وواحده مكانها في النني
قسمت بانك البوصله
ومش هسمح تتوه عني
وان قالوا هواها جنان
أنا قابل تجنني
ولو ساحرة وحبك لعنة
حابك لو شيطان جني
وحابب أتلبس منك
وحبك بس يسكني
لقيتك هاديه وجميله
صافيه وخدودك تعسيله
وعينيكي حياة
وراحه واشاره
وأجمل بشاره
بانك الشخص اللي لازم
بكره يمكن يبتدي وياه
راحه وقبول
وتقل وأصول
وشبعانه
ولو عشانا عيش وجبنة
ولو ما فيش جنيه في جبنا
ودفيانه
بكلمتين مني
وف وشك نور مطمئني
بان الجاي حلو اكيد
وان الحاضر حلو بيكي
وان كفايه علي عنيكي
يكونوا في محنتي كالضل
يهدو قلبي يوم ان ضل
يقوو ايماني يوم ان قل
بالقادم
وصابني لمره داء الزمن
وبعت الدنيا من غير تمن
اشوفك ربحي وجاههي وسلطتي
توبي وعكازي وعمتي
ومنظاري على بكره
وامل بيجيلي بالفطرة
واحده معاها الرحله تدوم
واحده مش تتخلى يوم
ولا تسقيني الحب بالقطرة
تكونلي نهر شوق مع حب
واكون انا وحدي ليكي مصب
ونظرا لكل المذكور عنك
اسمحيلي أقول بحبك
كما حب الشمس للعالم
تنورله بدون فواتير
بحبك كلمه لو تنقاد
تنورلك سنين عمرك
وتكسر حاجز المسافات
وتجري بعقرب الساعات
في وقت لقانا وجماعنا
وانسى الماضي وانسى الجاي
ويروح الليل كما شفطة شاي
على فمك
وبمسك فيكي وكانك
آخر بوق في الكبايه
وأول حد عايزه معايا
حد لا يمكن اقبله
بديل وغياب
حد من غير ما يخبط
لمحته قمت فتحت الباب
بحبك
تسلم الأنامل
ردحذف