ياما دقت ع الراس طبول
بس اللي يصبر لازم ينول
واهي حياه هنقضيها
بالعرض ان كانت او بالطول
يا ما داق القلب المر
لازم بكره يفوت ويمر
ربك وحده كاشف الضُر
بالغيب عالم والمجهول
ما تيأسش وتلوي البوز
اختار طريق الصبر تفوز
دايما عامر كله كنوز
دنيا فانيه وبكره تزول
جواك خبي وداري الأه
اوعى الشكوى لغير الِله
نزل دمعك لِيه تلقاه
مش يردك يوم مخذول
يا ما دقت على
الراس طبول
بس اللي يصبر لازم ينول
السيد صالح 💖
ليست هناك تعليقات:
إرسال تعليق