قول ياقلم
*********
قول ياقلم عن الألم
عن كل واحد يوم ظلم
عن اللى زار فينا الحرم
رجع وما كان محترم
واللى أكل مال اليتيم
واللى لجاره يوم شتم
واللى تصبح يوم عليه
تلاقيه ولا عارف عشم
قول ياقلم عن اللى خان
واللى ما فى قلبه إيمان
واللى انتزع منه الحنان
سبب لخلق الله ألم
واكتب كمان ع الطيبين
اللى فى حياتهم مخلصين
الشقيانين التعبانين الساجدين الشاكرين
اخلاص وهمة كل حين
اللى بنى جامع كبير
واللى عطف على الفقير
واللى ربى يتيم صغير
فرح زرع وشال وجع
قول ياقلم دارى الألم
خفف عن اللى صار هرم
واللى فى يوم كان اتظلم
واكتب عن اللى عاش معانا
طول حياته وكل عمره محترم
قول ياقلم
********
كلمات جمال على الشرقاوى
شاعر العامية
مليج منوفية
ليست هناك تعليقات:
إرسال تعليق